*Please note: Speaking Welsh is essential for this role*

Os hoffech yrfa yn garddio, gallwn gynnig rhai o’r llecynnau harddaf ym Mhrydain i chi weithio ynddyn nhw ynghyd ag un o’r casgliadau mwyaf o blanhigion yn Ewrop.

Sylwch: Bydd y swydd hon yn rhan o rota agor saith diwrnod a fydd yn cynnwys gweithio ar benwythnosau a gwyliau banc.

What it's like to work here

Plasty bychan wedi’i amgylchynu gan erddi addurnol a choetir llydanddail yw Plas yn Rhiw ac fe geir golygfeydd ysblennydd o Fae Ceredigion oddi yno. Byddwch yn cydweithio â’r prif arddwr a gwirfoddolwyr yng ngardd Plas yn Rhiw a’r coetir o’i amgylch, mewn tri bwthyn gwyliau ar y stad ac yn Sarn y Plas, a fu’n gartref i’r bardd R.S.Thomas a’i wraig, yr arlunydd Mildred Eldridge. Mae llu o bobl wrth eu bodd â’r plasty bychan, llawn cymeriad, a daw mwy a mwy o ymwelwyr yno i fwynhau’r profiad; felly, rydym yn chwilio am rywun cyfeillgar a brwd sy’n mwynhau cadw’n brysur yn y gwaith.

What you'll be doing

A chithau’n Arddwr wrth eich gwaith, byddwch yn helpu i sicrhau bod y gerddi’n cael eu cynnal i safon uchel. Byddwch yn angerddol, yn llawn brwdfrydedd ac yn wybodus am y gwahanol blanhigion sydd yn y gerddi. Bydd y gwaith yn cynnwys nifer o dasgau garddwriaethol ymarferol i ddatblygu, gwella a gwarchod yr ardd a byddwch yn cyfrannu at nifer o brosiectau. Byddwch yn helpu â gwaith tirlunio caled a meddal a gwaith cynnal a chadw cyffredinol yn yr ardd fel taenu tomwellt, tocio, clirio dail a chwynnu.  Byddwch yn helpu i blannu a chynnal coed, llwyni a phlanhigion blodeuol, gan sicrhau bod y gwaith yn cyrraedd y safonau uchaf a bod planhigion iach ar gael i’n hymwelwyr eu mwyhau. Byddwch yn helpu i dorri cloddiau, torri gwellt a gwneud gwaith rheoli’r coetir. Yn ogystal, byddwch yn cydweithio â’r prif arddwr i gynnal a gwella gerddi tri bwthyn gwyliau a gardd Sarn y Plas, sydd hefyd ar y stad.

Er y byddwch yn canolbwyntio ar ofalu am yr ardd a’i datblygu, un o’ch prif dasgau eraill fydd dirprwyo dros y Prif Arddwr yn ei absenoldeb. Bydd hyn yn golygu goruchwylio gwirfoddolwyr, mynd i gyfarfodydd ac achlysuron a drefnwyd ymlaen llaw, rhoi sgyrsiau, arwain teithiau, cyflwyno digwyddiadau a threfnu’r rhaglen. Byddwch yn gallu ateb cwestiynau am yr ardd a’r planhigion yn hyderus o ddydd i ddydd ac yn gallu helpu â chalendr digwyddiadau’r safle, Rhan arall o'r swydd fydd sicrhau bod y staff a'r gwirfoddolwyr yn cadw at reolau gweithio'r Ymddiriedolaeth Genedlaethol a bod pawb yn gwneud eu gwaith i'r safon uchaf.  

Who we're looking for

Pwy rydym yn chwilio amdano: Er mwyn llwyddo yn y swydd hon dylech fod yn gallu dangos y pethau isod;

• Bod gennych brofiad pendant o arddio/garddwriaeth, a gwybodaeth dda am blanhigion

• Eich bod yn gallu ymwneud yn gyfforddus â’r cyhoedd o ddydd i ddydd gan ateb eu cwestiynau

• Eich bod yn ddigon hyderus i gymryd rhan yng ngweithgareddau a digwyddiadau’r ardd

• Eich bod wedi’ch achredu yn unol â’r gofynion Iechyd a Diogelwch i ddefnyddio a chynnal a chadw peiriannau/offer; yn cynnwys tractor lawnt, llifiau cadwyn, tociwr gwrychoedd, torrwr mân goediach a pheiriannau torri gwellt sy’n cael eu gwthio. (Gellir rhoi hyfforddiant i’r ymgeisydd priodol)

• Rhaid eich bod yn gallu siarad Cymraeg

The package

Buddion

Cliciwch yma i gael gwybod mwy am y buddion a gynigiwn i’ch helpu.

Ymhlith y buddion mae gweithio hyblyg pryd bynnag y bo modd a pharcio am ddim yn y rhan fwyaf o’n safleoedd. Cewch ostyngiadau mewn siopau ar y stryd fawr a sinemâu ac yn siopau a chaffis yr Ymddiriedolaeth Genedlaethol. Yn ogystal, cewch chi, oedolyn arall, a’ch plant (o dan 18) fynediad am ddim i safleoedd yr Ymddiriedolaeth.

Mae’ch iechyd a’ch lles yn bwysig i ni ac rydym yn dangos hynny trwy gynnig gwyliau blynyddol hael a’r cyfle i brynu dyddiau ychwanegol (yn dibynnu ar hyd y contract), cynllun seiclo i’r gwaith, cynllun arian iechyd gyda chymhorthdal a chyfle i ddefnyddio gwasanaeth cymorth di-dâl cyfrinachol 24 awr y dydd os bydd arnoch ei angen.

Mae gennym gynllun pensiwn cyfrannol y mae’r cyflogwr yn talu swm cyfatebol iddo - hyd at 10% o’ch cyflog sylfaenol - i helpu i ofalu am eich sefyllfa ariannol yn y dyfodol a gallwch hyrwyddo’ch gyrfa gyda gweithgareddau hyfforddi a datblygu pwrpasol.

Yn ogystal â hyn i gyd, cewch gyfle i dalu yn ôl i’ch cymuned gyda hyd at 5 diwrnod o wirfoddoli gyda thâl bob blwyddyn!